ESSENTIAL PHONE ကို ရက်သတ္တပတ် အနည်းငယ်အတွင်း ဖြန့်ချိမည်ဟု ANDY RUBIN ပြောကြား

ဖြန့်ချိဖို့ နှောင့်နှေးကြန့်ကြာနေတဲ့ Essential Phone ကို ရက်သတ္တပတ် အနည်းငယ်အတွင်း ဖြန့်ချိသွားမယ်လို့ Android တည်ထောင်သူနဲ့ Google အမှုဆောင်ဟောင်း Andy Rubin က သောကြာနေ့က ပေးပို့ခဲ့တဲ့ email မှာ ပြောကြားခဲ့ပါတယ်။

အဲ့ဒီ email မှာ Essential ကုမ္ပဏီသစ်အနေနဲ့ တရားဝင်အသိအမှတ်ပြုလက်မှတ်နဲ့ စမ်းသပ်မှုလုပ်ငန်းစဉ်တွေအတွက် အမေရိကန်နဲ့ ကမ္ဘာတစ်ဝန်းမှာရှိတဲ့ ဆက်သွယ်ရေးကုမ္ပဏီတွေနဲ့အတူ အပြင်းအထန်ကြိုးပမ်းနေပါတယ်လို့ Andy Rubin က ဆိုပါတယ်။

မေလကုန်ပိုင်းက ပွဲထုတ်မိတ်ဆက်ခဲ့တဲ့ Essential Phone ကို မူလက ဇွန်လမှာ ဖြန့်ချိဖို့ သတ်မှတ်ထားပေမယ့် အခုအခါ သြဂုတ်လနောက်ပိုင်းမှသာ တွေ့မြင်ရဖို့ရှိပါတယ်။

Essential Phone မှာ ၅.၇ လက်မ 1,312 x 2,560 touchscreen နဲ့ Qualcomm ရဲ့ Snapdragon 835 SoC ကို အသုံးပြုထားပါတယ်။ RAM က 4GB ဖြစ်ပြီး storage က 128GB ဖြစ်ပါတယ်။ ကျောဘက်မှာ ကင်မရာနှစ်ခုပါဝင်ပြီး ဘက်ထရီက 3,040mAh ဖြစ်တယ်လို့ သိရပါတယ်။