နေမာနေရာ အစားထိုးရန် ဒီဘားလားကို ဘာစီလိုနာပရိသတ်များ အလိုလားဆုံးဖြစ်

ဘာစီလိုနာအသင်းပရိသတ်များသည် တိုက်စစ်မှူးနေမာ၏နေရာကို အစားထိုးရန် ဂျူဗင်တပ်စ်တိုက်စစ်မှူး ဒီဘားလားကို အလိုလားဆုံးဖြစ်နေကြောင်း သိရှိရသည်။

AS သတင်းစာက ဂရစ်ဇ်မန်း၊ ဒီဘားလား၊ ကော်တင်ဟို၊ ဘာပေတို့ထဲမှ မည်သူ့ကို အလိုလားဆုံးဖြစ်သနည်းဟု ပရိသတ်များထံ ဆန္ဒမဲကောက်ခံခဲ့ရာ ဒီဘားလားကို အများဆုံးရွေးချယ်ခဲ့ခြင်းဖြစ်သည်။

ပရိသတ်(၄၀၀၀၀)ကျော်က ဆန္ဒမဲပေးခဲ့ကြရာတွင် ဒီဘားလားကို ရွေးချယ်သူ (၃၇ %) ဂရစ်ဇ်မန်းကို ရွေးချယ်သူ (၂၇%) ရှိခဲ့ပြီး ကော်တင်ဟိုမှာ ဆန္ဒပြုသူ အနည်းဆုံးဖြစ်ခဲ့ကြောင်းလည်း သိရှိရသည်။

ကျွမ်းကျင်သူများကမူ ဒီဘားလားကို ဂျူဗင်တပ်စ်အသင်းက ရောင်းချရန် ဆန္ဒမရှိသည့်အတွက် ဘာစီလိုနာအသင်း ခေါ်ယူနိုင်ဖွယ်မရှိဘဲ မိုနာကိုအသင်းနှင့် လမ်းခွဲရန် ဆုံးဖြတ်ထားသည့် ဘာပေကိုသာ ရီးယဲလ်နှင့်အပြိုင် ကြိုးပမ်းသင့်သည်ဟု သုံးသပ်ထားသည်။

ဘာစီလိုနာအသင်းကမူ လက်ရှိအချိန်တွင် ဒေါ့မွန်အသင်းမှ ဒမ်ဘီလီကို ဦးစားပေးပစ်မှတ်အဖြစ် ကြိုးပမ်းလျက်ရှိနေကြောင်း သိရှိရသည်။

Photos: Independent

Eleven Sports